Back

ⓘ Mga Bisaya nga manunurat - Vicente I. de Veyra, Antonio Abad, Eleazar T. Acampado, Temistokles Adlawan, Norberto Romuáldez, Sr., Iluminado Lucente, Ben Zubiri ..



                                               

Vicente I. de Veyra

Hi Vicente Ignacio Luangco de Veyra usa nga Waraynon nga manunurat. Api hiya han Sanghiran san Binisaya. Hi Vicente umangkon ni Jaime C. de Veyra. Hi de Veyra diri la usa nga manunurat kondi usa liwat nga antolohista. Nagtirok hiya hin mga istorya, titiguhun, siday ngan mga darahonon tikang ha bug-os nga lalawigan han Leyte. An apo ni Vicente nga hi Vicente-Ignacio Soria de Veyra usa liwat nga maniniday ha pinulungan nga Ingles, Filipino, Tagalog, ug Winaray.

                                               

Antonio Abad

Hi Antonio Abad usa nga maniniday, fictionista, dramatista ngan ensayista tikang ha Cebu, ha Butnga nga Kabisay-an nga rehiyon han Kabisay-an ha Pilipinas. Kilalado hiya nga usa nga nangunguna nga Bisaya nga manunurat ha Kinatsila. Usa hiya nga makarit ha costumbrismo ngan hin forma hin pagsaysay nga tinatawag nga instantanea o rafaga. Nagdaog hiya han Premio Zobel han 1928 ngan han 1929. Usa hiya nga propesor ha Far Eastern University ngan ha University of the Philippines, nga diin hiya nagtutdo hin Kinatsila ngan usa han mga nagtukod han Departamento han Espanyol.

                                               

Eleazar T. Acampado

Hi Eleazar Tutor Acampado usa nga manunurat ha pinulongan nga Binisaya nga Sinugboanon. Ha yana, api hiya hit staff han Bisaya Magasin. Nagsurat anay hiya ha Bantay Balita, usa ka mantalaan nga nagsirkular ha Bohol ug Sugbo. Hi Acampado naggradwar hin Bachelor of Arts in English tikang ha CAP College Foundation, Inc. Kasal hiya kan Alfreda Baguhin ngan mayda hira anak nga babaye nga an ngaran Aliah Zara. Sekretaryo hiya hiton Dagang Foundation, Inc. Tsapter ha Luzon.

                                               

Temistokles Adlawan

Hi Temistokles Adlawan usa nga kontemporaneo nga Sugboanon nga maniniday nga ha panalagsa-on nagsusurat hin waray pag-alang hin pagtipa nga kapataraw-an nga ha kasagaran nahanunugod han Sugboanon nga katawhan. Mayda han iya mga sinurat nga nagpapakita hin darudako nga pagkasensitibo hin mga butang hin gender. Api hiya han Bathalan-ong Halad sa Dagang o BATHALAD ngan maabtik hiya ha mga workshop hin mga manunurat nga gin-isponsor han Women in Literary Arts WILA, BATHALAD, ngan han Cebuano Studies Center han University of San Carlos ha Syudad han Sugbo.

                                               

Norberto Romuáldez, Sr.

Hi Norberto Romuáldez y López usa nga Pilipinhon nga manunurat, politko, hurista, ug tawo han estado. Hiya an syahan han pamilya Romualdez nga nasikat ha bug-os nga nasod. Hiya an tiyo ni Imelda Marcos, an anak han iya putó nga bugto nga hi Vicente Orestes. Hi Norberto Romualdez natawo ha Burauen, Leyte han Hunyo 6, 1875. Nagtubo hiya ha Leyte ngan nasikat ha pagtikang komo usa nga manunurat ha Winaray. An iya syahan nga sinurat nga sarswela ha Winaray amo an sarswela nga An Pagtabang ni San Miguel. Han 1908, hi Romualdez nagsurat han Bisayan Grammar and Notes on Bisayan Rhetoric and Poeti ...

                                               

Iluminado Lucente

Hi Iluminado Lucente usa nga Waraynon nga manunurat ug an kaurugan han iya mga sinurat mga siday ug mga drama. Ha pagkita han kadaman, hi Lucente an gimakarit han mga manunurat ha Winaray. Hi Lucente api han Sanghiran San Binisaya ha Samar ug Leyte. An iya pinakasikat nga sinurat amo an siday nga An Iroy nga Tuna. Hiya an pinakasyahan nga editor han winaray nga peryodiko han rehimen Amerikano. Usa gihap hiya nga politiko.

                                               

Francisco Alvarado

Hi Francisco Alvarado usa nga maniniday ug dramatista nga nagsurat hin mga sarswela ha Winaray. Taga-Palo, Leyte hiya. Api hiya han Sanghiran san Binisaya, usa nga katig-uban nga gintikang ni Norberto Romualdez, Sr. han 1909 agod maipadukwag an Winaray nga yinaknan. An syahan nga pagtirok han iya mga siday nga Paningog han Kalag, ginmantala han 1933.

                                               

Vicente Sotto

Mayda impormasyon hini nga artikulo nga aada han Iningles nga bersyon nga angay ighubad ha Winaray Hi Vicente Yap Sotto, nga gintawag gihapon nga Ñor Inting usa nga kasanhi nga senador han Pilipinas, ngan ginsisiring nga usa han mga harangdon ngan bantogan nga Sugboanon han ika-20 nga siglo. Hiya an nagsurat han drama nga Elena. An iya mga nabuhat aada ha duha nga mga larangan: 1 pamalaod, politika, ngan pan-gobyerno; ngan 2 kultura nga mga sinurat. Hiya an apoy ni Vicente Sotto III, nga ha urhe nga panahon nagin senador han Pilipinas.

                                               

Ben Zubiri

Hi Ben Zubiri nga natawo ha ngaran nga Wenceslao Zubiri, ngan kilalado gihapon ha ngaran nga Iyo Karpo usa nga Sugboanon nga Bisaya nga kompositor, aktor ngan sikat nga tawo ha media. An iya pinakasikat nga kanta nga ginsurat niya amo an Matud Nila. Natawo hi Ben Zubiri han 1911 ha isla han Sugbo ngan nagtikang hiya pag-iskwela ha San Nicolas Elementary School. Tikang han pagkaguti-ay, naipakita na nga daan an iya abilidad ha pagkanta ngan ha musika. Api hiya dida han salida nga Bertoldo-Balodoy nga amo an syahan nga Sugboanon nga pelikula nga ginpagawas. Pero nagsurat gihapon hiya hin mga ...

                                               

Martin Abellana

Hi Martin Abellana usa nga Pilipino nga Bisaya nga manunurat. Magturutdo hiya han iya pagpakabuhi. Dida han mga tuig 1956 hangtod 1958, hiya an presidente han LUDABI, usa nga katitirok hin mga manunurat ha Sinugboanon. An iya mga nobela na-karakterisar hin pangarit para han trabahante nga klase. An Abellana National School ha Syudad han Sugbo ginharanan ha iya dungog.

                                               

Ramón D. Abellanosa

Hi Ramón D. Abellanosa usa nga Pilipino ngan Bisaya nga politika nga periodista, politiko, negosyante, nga manunurat. Kilalado hiya tungod han iya mga drama. Hiya an anak ni Baldomero Abellanosa ngan bugto ni Onofre.

                                               

Francisco C. Alvarez

Hi Francisco C. Alvarez usa nga kilalado nga Sugboanon-nga-Bisaya nga aktor ngan dramatista. Miyembro hiya han The Freeman. Nagsurat hiya hin drama nga Dinagmalan, nga ginmantala dida han mantalaan nga Bisaya han 1948.

                                               

Eduardo Makabenta, Sr.

Hi Eduardo Makabenta usa nga manunurat ha Binisaya nga Winaray. Usa hiya nga Kalgaranon. Naggradwar hiya ha kolehiya tikang ha Liceo de Manila ngan sunod nakatapos hiya hin Balaod ha Leyte Colleges. Kilalado hiya nga sikat nga manunurat ha Winaray nga Binisaya. Api nga unob hiya han Sanghiran san Binisaya ngan ginsurat niya an siday nga Un Dia Sobre El Mar, nga buot sidngon "Usa ka Adlaw ha Kadagatan" ngan ini ginmantala dida han 1920.

                                               

Augurio Abeto

Hi Augurio Abeto usa nga kilalado nga ensayista ha Hiligaynon dida han Bulawan nga Panahon han Hiligaynon nga Literatura. Hiya an nagsurat han Hiligaynon nga kanta nga Dalawidaw.

                                               

Francisco H. Baltazar

Diri ini angay igkalipat han Tag-alog nga maniniday nga hi Francisco Balagtas nga kilalado liwat ha ngaran nga Francisco Baltazar. Hi Francisco H. Baltazar usa nga Waraynon nga maniniday. Usa hiya nga sangkay ni Vicente I. de Veyra. An iya siday nga An Kaagahun nahilakip dida han antolohiya nga Hinugpung: Mga Siday, Garaygaday, Titiguhun, Liaw-Libang, Diwata ni Vicente I. de Veyra.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →